Жисмоний ва юридик шахсларнинг мурожаатларини кўриб чиқиш, фуқароларнинг соҳа билан боғлиқ муаммоларига ижобий ечим топиш мақсадида Қашқадарё вилоятида доимий равишда сайёр қабуллар ўтказиб келинмоқда
Жумладан, жорий йилнинг 20-февраль куни, Қашқадарё вилояти ИИБ бошлиғи ўринбосари, Тергов бошқармаси бошлиғи подполковник И.И.Химматов томонидан аҳоли мурожаатларини ўрганиш ва амалий ёрдам кўрсатиш мақсадида Косон, Муборак, Касби ва Миришкор тумани фуқаролари учун Косон тумани Халқ қабулхонаси биносида навбатдаги сайёр қабул ўтказилди.
Сайёр қабул давомида асосий
эътибор, такрорий мурожаат билан келган фуқароларнинг муаммоларини жойида ҳал
этиш ҳамда уларга ҳуқуқий маслаҳатлар беришга қаратилиб, бунинг учун масъул
ходимлар қатнашишлари таъминланди.
Қабул давомида, Тергов бошқармаси
бошлиғи томонидан жами 14 нафар фуқароларнинг мурожаатлари ўрганилди.
Ушбу 14 нафар фуқароларнинг мурожаатлари бўйича, 10 таси жойида ижобий ҳал этилди, 4 нафарига ҳуқуқий маслаҳат ва тушунтиришлар берилиб, ижроси назоратга олинди.
