Jismoniy va yuridik shaxslarning murojaatlarini ko‘rib chiqish, fuqarolarning soha bilan bog‘liq muammolariga ijobiy yechim topish maqsadida Qashqadaryo viloyatida doimiy ravishda sayyor qabullar o‘tkazib kelinmoqda.
Jumladan, joriy yilning 20-fevral kuni, Qashqadaryo viloyati IIB boshlig‘i o‘rinbosari, Tergov boshqarmasi boshlig‘i podpolkovnik I.I.Ximmatov tomonidan aholi murojaatlarini o‘rganish va amaliy yordam ko‘rsatish maqsadida Koson, Muborak, Kasbi va Mirishkor tumani fuqarolari uchun Koson tumani Xalq qabulxonasi binosida navbatdagi sayyor qabul o‘tkazildi.
Sayyor qabul davomida asosiy
e’tibor, takroriy murojaat bilan kelgan fuqarolarning muammolarini joyida hal
etish hamda ularga huquqiy maslahatlar berishga qaratilib, buning uchun mas’ul
xodimlar qatnashishlari ta’minlandi.
Qabul davomida, Tergov boshqarmasi boshlig‘i
tomonidan jami 14 nafar fuqarolarning murojaatlari o‘rganildi.
Ushbu 14 nafar fuqarolarning murojaatlari
bo‘yicha, 10 tasi joyida ijobiy hal etildi, 4 nafariga huquqiy maslahat va
tushuntirishlar berilib, ijrosi nazoratga olindi.