“Жаҳолатга қарши маʼрифат билан"
Қамаши туман ИИБ ЖХХ пробация катта инспектори, ХҚМБ катта
инспектори ва Қамаши туман таргʻибот гуруҳи туман ММТ боʻлимлари ҳамкорлигида
“Жаҳолатга қарши маʼрифат “ тамойили асосида “Миллат келажагини
маʼрифатли аёллар белгилайди” мавзусида ИИБ ида пробация ҳисобида турувчи
хотин-қизлар иштирокида маʼнавий-маʼрифий таргʻибот тадбири ташкил этилди.
Таргʻибот тадбирида миллий қадриятларимизни
асраб-авайлашимиз лозимлиги ,диний мутаассибликка берилишнинг салбий
оқибатлари, аёллар жиноятчилиги, ижтимоий тармоқлардан тоʻгʻри фойдаланиш
маданияти юзасидан тегишли тушунтиришлар берилди.
Шунингдек , "Ҳаётни сев ,уни қадрла!" мавзусида
психологик тренинг машгʻулотлари, шахмат - шашка мусобақаси ташкил этилди .
Тадбир соʻнгида ИИБ ҳодимлари томонидан оʻзбек ва жаҳон адабиётининг сара
асарлари совгʻа сифатида тақдим этилди.
