“Заковат” интеллектуал ўйини ўтказилди
Деҳқонобод тумани ички ишлар бўлими бошлиғи, 3-сектор раҳбари M.Boъриев, туман ИИБ ҳузуридаги Тергов гуруҳи раҳбари Б.Дониёров ташаббуси билан туман ёшлар ишлари агентлиги бўлими ҳамкорлигида оталиққа олиниб, бўлимга бириктирилган иқтидорли ёшларнинг мантиқий билимларини ошириш, интеллектуал ўйинларга кенг жалб қилиш ва салоҳиятини юксалтириш мақсадида, “Хавфсиз ҳаёт учун бирлашайлик” шиори остида “Заковат” интеллектуал ўйини ўтказилди.
Тадбир мактаб ўқувчи ёшлари учун мўлжалланган турли хил фанлар ва тарихий маълумотларга оид саволлар билан давом этди.
Мазкур беллашув ёшларнинг ҳар томонлама билимли, етук шахс бўлиб етишиши, уларнинг истеъдодларини рўёбга чиқаришда муҳим омил бўлиб хизмат қилади.
Беллашув якунида ғолибликни қўлга киритган жамоа аъзоларига ташкилотчилар томонидан диплом ва эсдалик совғалар топширилди.
