“Zakovat” intellektual o‘yini o‘tkazildi
Dehqonobod tumani ichki ishlar bo‘limi boshligʻi, 3-sektor rahbari M.Bo‘riev, tuman IIB huzuridagi Tergov guruhi rahbari B.Doniyorov tashabbusi bilan tuman yoshlar ishlari agentligi bo‘limi hamkorligida otaliqqa olinib, bo‘limga biriktirilgan iqtidorli yoshlarning mantiqiy bilimlarini oshirish, intellektual o‘yinlarga keng jalb qilish va salohiyatini yuksaltirish maqsadida, “Xavfsiz hayot uchun birlashaylik” shiori ostida “Zakovat” intellektual o‘yini o‘tkazildi.
Tadbir maktab o‘quvchi yoshlari uchun mo‘ljallangan turli xil fanlar va tarixiy ma’lumotlarga oid savollar bilan davom etdi.
Mazkur bellashuv yoshlarning har tomonlama bilimli, yetuk shaxs bo‘lib yetishishi, ularning iste’dodlarini ro‘yobga chiqarishda muhim omil bo‘lib xizmat qiladi.
Bellashuv yakunida gʻoliblikni qo‘lga kiritgan jamoa a’zolariga tashkilotchilar tomonidan diplom va esdalik sovgʻalar topshirildi.
