Вояга етмаганлар қилмиши муҳокама этилди
Қарши шаҳар ХТБга қарашли 35-мактабда вояга етмаган бир гуруҳ болаларнинг жанжали юзасидан муҳокама йиғилиши бўлиб ўтди. Унда вилоят ИИБ ҲПБ, мактаб ўқитувчи ва ўқувчилари, жанжал қилган вояга етмаганларнинг ота-оналари иштирок этди.
Маълум бўлишича, шаҳарнинг “Худойзод” МФЙда яшовчи, вояга етмаган О.С. 2021 йил 31 декабрь куни соат 22:00ларда маҳалланинг Қўштепа кўчасидан ўтиб кетаётган вақтида маҳалладоши, шаҳардаги
35-мактабнинг 10-синф ўқувчиси, вояга етмаган Ф.М. ҳеч бир сабабсиз елкасига бир мушт урган. Уни ёнидаги 4-5 нафар шериклари ҳам уни бош ва кўкрак қисмларига ҳеч бир сабабсиз уриб тан жароҳати етказишган.
Тадбирда сўз олганлар вояга етмаганларнинг бу жанжалига сабаб бўлган шарт-шароит ва омилларни таҳлил қилишди.
Келгусида бу каби ҳолатларни олдини олиш учун мактаб-ота-она-маҳалла ҳамкорлигини янада кучайтириш, болаларни бўш вақтини мазмунли ўтказиш учун тегишли тавсия ва таклифлар берилди.
Мазкур ҳолат юзасидан Қарши шаҳар ИИО ФМБ 4-сонли ИИБ ТБ томонидан жиноят иши қўзғатилди.
