ИИВ ишчи гуруҳи ҳамда Қашқадарё вилоят ИИБ Кадрлар бошқармаси ташаббуси билан вилоят ИИБда хизмат қилаётган хотин-қизлар ўртасида волейбол мусобақаси ўтказилди
Ўзбекистон Республикаси Президентининг 2020 йил 30 октябр кунидаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармонига асосан, Қарши олимпия заҳиралари спорт мактабида ИИВ Маънавий-маърифий ишлар ва Кадрлар билан таъминлаш департаменти ва вилоят ИИБ Кадрлар бошқармаси ташаббуси билан ички ишлар органлари тизимида хизмат қилаётган хотин-қизлар ўртасида спортнинг волейбол тури бўйича мусобақаси бўлиб ўтди. Унда вилоят ИИБ соҳавий хизматларида фаолият кўрсатаётган хотин-қизлардан тузилган олтита жамоалар ўзаро беллашдилар.
Қизғин баҳслар ва беллашувларда ҳар жамоа аъзолари бор маҳорат ва тажрибаларини ишга солиб ғолиблик учун кураш олиб боришди. Мусобақада вилоят ИИБ жамоаси фахрли 1-ўринни қўлга киритди. Навбатдаги совринли ўринни эса бошқарма ЖИЭ департаменти волейболчилари эгаллади.
Ғолиб жамоалар вилоят ИИБнинг “Диплом”и ва қимматбаҳо совғалари билан тақдирланди.
