Вилоят ИИБда Тергов бошқармаси ва унинг қуйи бўлинмалари шахсий таркиби иштирокида ўтган йилда амалга оширилган ишлар таҳлилига бағишланган йиғилиш бўлиб ўтди.  

Бошқарманинг шаҳар-туман ИИБ ҳузуридаги Тергов бўлим ва бўлинмалари ходимлари видеоконференцалока тизими орқали иштирок этган йиғилишни вилоят ИИБ бошлиғи ўринбосари, подполковник Исроил Химматов очди. 

  Йиғилишда вилоятда жамоат тартибини сақлаш, жиноятчиликка қарши курашиш ва унинг олдини олиш, фуқаролар хавфсизлигини таъминлаш, жиноятларни қонунларга малакалаш, фуқаролардан тушган ариза, шикоятларни ўз вақтида кўриб чиқиб, муаллифларга жавоб қайтариш борасидаги ишлар танқидий-таҳлил қилинди. 

  Кўлами кенг йиғилишда коррупция ва тамагирлик ҳолатларини олдини олиш лозимлиги алоҳида қайд этилди. Барча мустақил соҳа ва бўлим бошлиқларига бу борадаги ишларни қаттиқ назоратга олиш лозимлиги уқтирилди.

  Кенгайтирилган йиғилишда эришилган ютуқлар билан бирга йўл қўйилган камчиликлар ошкора муҳокама этилиб, кун тартибига киритилган масалалар юзасидан тегишли қарор қабул қилинди.

  Якунда хизматда ва фаолиятда ижобий натижаларни қўлга киритиб, ҳамкасбларига ўрнак бўлаётган бир гуруҳ терговчилар  рағбатлантирилди.