Вилоят ИИБ жамоалари ғолиб
Қашқадарё
вилояти таркибий ва ҳудуддий бўлинмаларида 2023 йилнинг 1-ноябрь кунидан 30-ноябрь кунига қадар
"Жисмоний ва жанговар тайёргарлик ойлиги" ўтказилмоқда. Ушбу ойлик
доирасида яқинда ички ишлар органларининг эркак ва аёл ходимлари ўртасида
спортнинг волейбол тури бўйича "Қашқадарё вилояти ички ишлар бошқармаси
бошлиғи кубоги" мусобақаси ўтказилди. Эркак ходимлар ўртасида ўтказилган
мусобақада 1-ўринни вилоят ИИБ жамоаси, 2-ўринни Касби тумани ИИБ, 3-ўринни
Қамаши тумани ИИБ жамоалари эгаллашди.
Хотин-қизлар ўртасида ўтказилган мусобақада 1-ўринни
"Тумарис", 2-ўринни "Бибихоним", 3-ўринни "Адолат" жамоалари қўлга
киритди. Мусобақада ғолиб жамоалар "Қашқадарё вилояти ички ишлар
бошқармаси бошлиғи кубоги", медаллар ва қимматбаҳо совғалар билан
тақдирландилар.
