Viloyat IIB jamoalari g‘olib
Qashqadaryo
viloyati tarkibiy va hududdiy bo‘linmalarida 2023 yilning 1-noyabr kunidan 30-noyabr kuniga qadar "Jismoniy va
jangovar tayyorgarlik oyligi" o‘tkazilmoqda. Ushbu oylik doirasida yaqinda
ichki ishlar organlarining erkak va ayol xodimlari o‘rtasida sportning voleybol
turi bo‘yicha "Qashqadaryo viloyati ichki ishlar boshqarmasi boshlig‘i
kubogi" musobaqasi o‘tkazildi. Erkak xodimlar o‘rtasida o‘tkazilgan
musobaqada 1-o‘rinni viloyat IIB
jamoasi, 2-o‘rinni Kasbi tumani
IIB, 3-o‘rinni Qamashi tumani IIB jamoalari egallashdi. Xotin-qizlar o‘rtasida o‘tkazilgan musobaqada
1-o‘rinni "Tumaris", 2-o‘rinni "Bibixonim", 3-o‘rinni "Adolat" jamoalari qo‘lga
kiritdi. Musobaqada g‘olib jamoalar "Qashqadaryo viloyati ichki ishlar
boshqarmasi boshlig‘i kubogi", medallar va qimmatbaho sovg‘alar bilan
taqdirlandilar.
