Қарши шаҳрида вилоят ҳуқуқ-тартибот идоралари ходимлари ўртасида спортнинг кураш тури бўйича Ички ишлар вазирлиги “Динамо” жисмоний тарбия-спорт жамияти  Қашқадарё вилояти кенгаши биринчилиги учун мусобақалар бўлиб ўтди. Унда кенгаш таркибидаги жамоалар ғолиблик учун 7та вазн тоифасида ўзаро беллашдилар.

Мусобақада вазнлар тоифасида гиламга чиққан полвонлар орасида янги спортчилар кашф  этилди. Айниқса, вилоят ички ишлар ва фавқулодда вазиятлар бошқармалари хизмат қилаётган ёш полвонлар шижоати мусобақанинг қизғин ўтишига замин ҳозирлади.

Қизғин ва муросасиз ўтган мусобақада полвонлар бор маҳорат ва тажрибаларини ишга солиб ғолиблик учун курашишди.

Мусобақада вилоят ички ишлар бошқармаси ходими кичик сержант Азизбек Арабов 60, Фавқулодда вазиятлар бошқармаси ҳарбий хизматчиси Ботир Зиëдуллаев 66, вилоят ички ишлар бошқармаси ходими кичик сержант Бахром Бойқулов 73, Ички ишлар вазирлиги Қоровул қўшинлари 7533-ҳарбий қисм ҳарбий хизматчиси кичик сержант Сардор Абдурайимов 71, Фавқулодда вазиятлар бошқармаси ҳарбий хизматчиси Шохрух Ахмедов 90, вилоят ички ишлар бошқармаси ходими кичик сержант Ботир Холиёров 100 ва Фавқулодда вазиятлар бошқармаси ҳарбий хизматчиси Акмал Гулмуродов мутлақ вазнда ғолибликни қўлга киритди.

Умумжамоа ҳисобида эса фахрли 1-ўринни вилоят ички ишлар бошқармаси жамоаси банд этди. Навбатдаги совринли ўринлар вилоят Фавқулодда вазиятлар  бошқармаси ва Ички ишлар вазирлиги Қоровул қўшинларига қарашли 7533-ҳарбий қисм полвонларига насиб этди.

Ғолиб полвонлар ва жамоалар Ички ишлар вазирлиги “Динамо” жисмоний тарбия-спорт жамияти  Қашқадарё вилояти кенгашининг дипломлари ва қимматбаҳо совғалари билан тақдирланди.