ИИВ Қашқадарё академик лицейида таълим муассасасига янги қабул қилинган ўқувчилар ва уларнинг ота-оналари билан йиғилиш бўлиб ўтди. Унда ИИВ ШХБ Қашқадарё вилояти бўйича бошқармаси масъул ходими, лицей раҳбарияти ва ўқитувчилари иштирок этди. Йиғилишни лицей директори, подполковник Комил Назаров очиб, очиқ ва шаффоф синовлардан муваффақиятли ўтиб, Ватан хизматига шайланган, эл осойишталигини таъминлашга бел боғлаган ёш ўқувчиларни табриклади.

 Ички шлар органлари таълим муассасасида илк таҳсилни бошлаётган ўқувчиларга дарс жараёнларида тартиб-интизом ва қоидаларга риоя этиш, ўқишда ва ўқишдан ташқари вақтда шахсий хавфсизлик қоидаларига риоя қилиши лозимлигини уқтирди.

ИИВ ШХБ Қашқадарё вилояти бўйича бошқармаси масъул ходими сўзга чиқиб, ота-оналар ва лицей ўқувчиларга таълим муассасасида коррупцион ҳолатларни олдини олиш ва қарши курашиши, тамагирлик ва бошқа ваколатга кирмайдиган ишларга аралашмаслик, интернет ижтимоий тармоғидаги таваккалчиликка асосланган 1-ХБЕТга ўхшаш қимор ўйинлари ўйнамаслик бўйича иштирокчиларга тегишли йўриқнома ва тавсиялар берди.

Тадбирда ички ишлар органи таълим муассасасида таҳсил олаётган ҳар бир ўқувчи Ватанга ва халққа садоқат билан хизмат қилиш учун билимларни қунт билан эгаллаши, спорт билан шуғулланиши, тизим обрўсини оширишни ўз олдига бош мақсад қил иб қўйишига ишонч билдирилди.