IIV Qashqadaryo akademik litseyida ta’lim muassasasiga yangi qabul qilingan o‘quvchilar va ularning ota-onalari bilan yig‘ilish bo‘lib o‘tdi. Unda IIV SHXB Qashqadaryo viloyati bo‘yicha boshqarmasi mas’ul xodimi, litsey rahbariyati va o‘qituvchilari ishtirok etdi. Yig‘ilishni litsey direktori, podpolkovnik Komil Nazarov ochib, ochiq va shaffof sinovlardan muvaffaqiyatli o‘tib, Vatan xizmatiga shaylangan, el osoyishtaligini ta’minlashga bel bog‘lagan yosh o‘quvchilarni tabrikladi.

 Ichki shlar organlari ta’lim muassasasida ilk tahsilni boshlayotgan o‘quvchilarga dars jarayonlarida tartib-intizom va qoidalarga rioya etish, o‘qishda va o‘qishdan tashqari vaqtda shaxsiy xavfsizlik qoidalariga rioya qilishi lozimligini uqtirdi.

IIV SHXB Qashqadaryo viloyati bo‘yicha boshqarmasi mas’ul xodimi so‘zga chiqib, ota-onalar va litsey o‘quvchilarga ta’lim muassasasida korrupsion holatlarni oldini olish va qarshi kurashishi, tamagirlik va boshqa vakolatga kirmaydigan ishlarga aralashmaslik, internet ijtimoiy tarmog‘idagi tavakkalchilikka asoslangan 1-XBETga o‘xshash qimor o‘yinlari o‘ynamaslik bo‘yicha ishtirokchilarga tegishli yo‘riqnoma va tavsiyalar berdi.

Tadbirda ichki ishlar organi ta’lim muassasasida tahsil olayotgan har bir o‘quvchi Vatanga va xalqqa sadoqat bilan xizmat qilish uchun bilimlarni qunt bilan egallashi, sport bilan shug‘ullanishi, tizim obro‘sini oshirishni o‘z oldiga bosh maqsad qil ib qo‘yishiga ishonch bildirildi.