4 Июн 2021 йил
506
Қўй ўғриси топилди
Эрта саҳардан қўйидан хабар олишга борган Шаҳрисабз тумани “Тошбулоқ” МФЙда яшовчи Б.С. қўйлар йўқолганини кўриб ҳуши бошидан учди. Қўйхонадан чиқиб кетганмикан деган илинжда атроф-теваракни суриштириб тополмагач, Шаҳрисабз туман ИИБга ариза берди. Ҳар бирининг бозор баҳоси 1.500.000 сўмдан жами 12 млн сўмлик 8 бош қўйларни топиш бўйича тезкор ходимлар ишга киришдилар.
Изқуварларнинг қўйларни топиш юзасидан олиб борган тезкор суриштирув ҳаракатлари натижасида ушбу ўғирликни Шаҳрисабз тумани “Чуқун” МФЙда яшовчи Ж.Б. содир этганлиги аниқланиб, ундан 2 бош қўйлар далилий ашё сифатида олинган.
Ҳолат юзасидан Шаҳрисабз тумани ИИБ ҳузуридаги ТБ томонидан жиноят иши қўзғатилиб, тергов ҳаракатлари олиб борилмоқда.
