Qoʼy oʼgʼrisi topildi
Erta sahardan qoʼyidan xabar olishga borgan Shahrisabz tumani “Toshbuloq” MFYda yashovchi B.S. qoʼylar yoʼqolganini koʼrib hushi boshidan uchdi. Qoʼyxonadan chiqib ketganmikan degan ilinjda atrof-tevarakni surishtirib topolmagach, Shahrisabz tuman IIBga ariza berdi. Har birining bozor bahosi 1.500.000 soʼmdan jami 12 mln soʼmlik 8 bosh qoʼylarni topish boʼyicha tezkor xodimlar ishga kirishdilar.
Izquvarlarning qoʼylarni topish yuzasidan olib borgan tezkor surishtiruv harakatlari natijasida ushbu oʼgʼirlikni Shahrisabz tumani “Chuqun” MFYda yashovchi J.B. sodir etganligi aniqlanib, undan 2 bosh qoʼylar daliliy ashyo sifatida olingan.
Holat yuzasidan Shahrisabz tumani IIB huzuridagi TB tomonidan jinoyat ishi qoʼzgʼatilib, tergov harakatlari olib borilmoqda.
