“Талаба-ёшлар ўртасида ҳуқуқбузарликларни олдини олиш ва унинг профилактикаси”
ТИҚХММИнинг
Қарши ирригация ва агротехнологиялар институтида “Талаба-ёшлар ўртасида
ҳуқуқбузарликларни олдини олиш ва ва унинг профилактикаси” мавзусида тадбир
бўлиб ўтди. Унда институт раҳбарияти, профилактика инспектори, тюторлар ва
талаба-ёшлар иштирок этди.
Тадбирда
сўз олганлар Ўзбекистон Республикаси Олий таълим, фан ва инновациялар вазирлиги
ҳамда Ички ишлар вазирлиги билан ҳамкорликда 2024-йил 25-март куни “Олий таълим муассасаларида ҳуқуқбузарликлар
профилактикасини амалга оширилишини янада такомиллаштириш тўғрисида”ги Қўшма
қарор имзоланди. Мазкур Қўшма қарор асосида Йўриқнома ҳамда Дастур
тасдиқланганбўлиб, унинг 6-боб 22-бандида
ҳар ҳафтанинг пайшанба куни барча олий таълим муассасаларида “Талабалар
хавфсизлиги” куни ўтказилиши белгиланганини иштирокчилар эътиборига
етказишди.
Тадбирда
сўз олганлар ёшлар орасида содир этилаётган ҳуқуқбузарликларнинг турли
кўринишлари, бунга шарт-шароит яратаётган ҳолатларни атрофлича таҳлил этишди.
Бу каби салбий ҳолатларни олдини олиш учун барча огоҳ ва ҳушёр бўлмоғи, турли
ҳуқуқбузарликларни олдини олиш барчанинг долзарб иши эканлиги айтиб ўтилди.
Якунда талаба-ёшларнинг маънавий оламини
юксалтириш, уларда юксак анъаналарга ҳурмат туйғусини шакллантириш муҳим
эканлигини қайд этишди.
