TIQXMMIning Qarshi irrigatsiya va agrotexnologiyalar institutida “Talaba-yoshlar o‘rtasida huquqbuzarliklarni oldini olish va va uning profilaktikasi” mavzusida tadbir bo‘lib o‘tdi. Unda institut rahbariyati, profilaktika inspektori, tyutorlar va talaba-yoshlar ishtirok etdi.

Tadbirda so‘z olganlar O‘zbekiston Respublikasi Oliy ta’lim, fan va innovatsiyalar vazirligi hamda Ichki ishlar vazirligi bilan hamkorlikda 2024-yil 25-mart kuni  “Oliy ta’lim muassasalarida huquqbuzarliklar profilaktikasini amalga oshirilishini yanada takomillashtirish to‘g‘risida”gi Qo‘shma qaror imzolandi. Mazkur Qo‘shma qaror asosida Yo‘riqnoma hamda Dastur tasdiqlanganbo‘lib, uning 6-bob 22-bandida  har haftaning payshanba kuni barcha oliy ta’lim muassasalarida “Talabalar xavfsizligi” kuni o‘tkazilishi belgilanganini ishtirokchilar e’tiboriga yetkazishdi. 

Tadbirda so‘z olganlar yoshlar orasida sodir etilayotgan huquqbuzarliklarning turli ko‘rinishlari, bunga shart-sharoit yaratayotgan holatlarni atroflicha tahlil etishdi. Bu kabi salbiy holatlarni oldini olish uchun barcha ogoh va hushyor bo‘lmog‘i, turli huquqbuzarliklarni oldini olish barchaning dolzarb ishi ekanligi aytib o‘tildi.

Yakunda talaba-yoshlarning ma’naviy olamini yuksaltirish, ularda yuksak an’analarga hurmat tuyg‘usini shakllantirish muhim ekanligini qayd etishdi.