Қарши шохбекатида Ички ишлар вазирлиги Тезкор қидирув департаменти жиноят қидирув хизмати,  Қашқадарё вилояти ички ишлар бошқармаси Тезкор қидирув хизмати Жиноят қидирув бошқармаси тезкор вакиллари, вилоят организмда иммунитет танқислиги синдромига қарши курашиш маркази шифокорлари томонидан йўловчилар иштирокида профилактик тадбир уюштирилди. Унда жорий йилнинг 1-15 август кунлари воҳамизда “Соғлом ҳаёт” махсус профилактик тадбирининг 2-босқичи ўтказилаётгани, “Ёшлар ва бизнесни қўллаб-қувватлаш йили”да ёшларни руҳан ва жисмонан соғлом бўлиб вояга етишлари учун аҳоли, айниқса, ёшлар орасида ахлоқ-одоб ва соғлиқ доирасидаги ҳуқуқбузарликларга қарши курашиш, орттирилган иммунитет вируси инфекцияси тарқалишини олдини олиш ва ушбу касалликни юқтиришга сабаб бўлаётган омилларни бартараф этиш ҳамда соғлом турмуш тарзини тарғиб қилиш бош мақсад эканлиги тарғибот тадбирларида таъкидланди.  

Ишчи гуруҳ аҳоли ва  ёшлар ўртасида соғлом турмуш тарзини тарғиб қилиш, корхона ва ташкилотларда, маҳаллаларда, барча таълим муассасаларида ва бошқа аҳоли гавжум жойларда “Ахлоқ ва соғлиққа қарши ҳуқуқбузарликлар ҳамда ОИВ касаллигининг аянчли оқибатлари” мавзусида учрашувлар ва давра суҳбатларини ўтказилиши, тарғибот ишларини кучайтириш мақсадида буклетлар, эслатма, плакат тарқатилиши, кўчаларга баннерлар ўрнатилгани қайд этилди. 

Тадбирда вилоят ОИТСга қаши кураш маркази мутахассислари касалликнинг келиб чиқиши, тарқалиши, фожиали оқибатлари хусусида сўз юритиб, мамлакатимизда ва жаҳон миқёсида ОИВ инфекцияси профилактикаси ва унинг олдини олиш мақсадида бир қатор чора-тадбирлар амалга оширилишига қарамасдан ҳар йили дунё миқёсида миллионлаб инсонлар шу касаллик вирусини юқтириб, кўплаб одамлар мазкур хасталик оқибатида ҳаётдан кўз юмаётганини таъкидлади. Шу боис бу касалликни юқтириб олмаслик чора-тадбирлари хусусида йўловчиларга атрофлича тушунчалар берилди. 

Очиқ мулоқот руҳида ташкил этилган тадбирда иштирокчиларнинг саволларига мутахассислар атрофлича жавоблар беришди.