Яқинда Республика Маънавият ва маърифат маркази Қашқадарё вилояти бўлимида Ўзбекистон Республикаси Ички ишлар вазири кубоги учун 3-секторларда яшовчи оилалар ўртасида “Соғлом ва баркамол оила” шиори остида спорт мусобақлари ва китобхонлик беллашувларининг вилоят босқичи бўлиб ўтди. Унда танловнинг шаҳар-туман босқичларида ғолибликни қўлга киритган 15 та оилалар иштирок этишди.

Республика Маънавият ва маърифат маркази Қашқадарё вилояти бўлими, Сайидо Насафий номли вилоят ахборот-кутубхона маркази, Ўзбекистон ёзувчилар уюшмаси Қашқадарё вилоят бўлими вакилларидан иборат ҳакамлар ҳайъати баҳолаб борган китобхонлик беллашувларида оилалар 4 та шарт бўйича билимларини синовдан ўтказишди. Ҳайъат аъзолари томонидан тузилган саволлар асосида билет тортиш асосида бўлиб ўтган  китобхонлик танловда, 1-ўринни Шаҳрисабз шаҳар “Хўжамурод бахши” МФЙда яшовчи Асқар Ҳайитов оиласи қўлга киритди. Навбатдаги совринли ўринларни  Косон тумани “Пахтазор” МФЙда яшовчи Зилола Остонова ва Миришкор тумани “Помуқ” МФЙда яшовчи  Одил Авазмуродов оиласи банд этишди.

Спортнинг шахмат-шашка, стол тенниси, бадминтон ва “Қувноқлар ва зукколар” тури бўйича бўлиб ўтган баҳсларда Ғузор тумани “Совлиғор” МФЙ Совлиғор қишлоғида яшовчи  Узоқ Шерданов оиласи мутлақ ғолиб бўлди.  Яккабоғ тумани Уламжи МФЙда яшовчи Ҳасан Бўриев ва Нишон тумани “Обод” МФЙда яшовчи Иззат  Қодиров оиласи кейинги ўринларни қўлга киритди.

Мусоқаба ғолиблари ва иштирокчиларига ғолиблик дипломи ва қимматбаҳо совғаларни Қашқадарё вилояти ИИБ бошлиғи полковник Шуҳратжон Сатволдиев топширди.

Ғолибликни қўлга киритган оилар танловнинг республика бочқичида иштирок этади.