Сайёҳлар хавфсизлиги учун
Қашқадарё вилояти ИИБ Хавфсиз туризмни таъминлаш бошқармаси томонидан воҳага ташриф буюраётган меҳмонларнинг хавфсизлигини таъминлаш мақсадида ҳудудда фаолият юритаётган жойлаштириш воситалари ва туристик фирмалар масъул шахслари ҳамда гид-таржимонлар билан профилактик суҳбатлар олиб борилмоқда.
Иштирокчиларга Ўзбекистон Республикасининг “Туризм тўғрисида”ги қонуни ва Вазирлар Маҳкамасининг 635-сонли қарорига мувофиқ фаолият юритиш, қонунчиликка зид хатти-ҳаракатларни амалга оширмаслик, сайёҳларни зудликда “Е-меҳмон” электрон тизимида рўйхатга олиш тушунтирилмоқда. Хусусан, хорижий давлатлар фуқароларини юртимизга турист сифатида олиб келиб, уларнинг Республика ҳудудида бўлишини назорат қилмай, қаровсиз қолдирмаслик юзасидан профилактик тушунтиришлар берилмоқда.
