ҚИЗҒИН БАҲСЛАРГА БОЙ БЎЛГАН УЧРАШУВ!
Ўзбекистон Республикаси Миллий гвардияси “Динамо” жисмоний тарбия-спорт жамияти Қашқадарё вилояти кенгаши, томонидан жорий йилнинг 18 март куни Ҳуқуқни муҳофаза қилувчи органлар шахсий таркиб ўртасида спортнинг Қўл-жанги тури бўйича мусобақа ташкил этилди. Унда 6 та жамоадан 80 нафардан ортиқ спортчилар ўзаро беллашдилар. Муросасиз ва қизғин баҳсларга бой бўлган мазкур мусобақада, умумжамоа ҳисобида, 3-ўрин Ўзбекистон Республикаси Ички ишлар вазирлиги Қоровул қўшинларига қарашли 7533-ҳарбий қисм жамоасига, 2-ўрин Ўзбекистон Республикаси Миллий гвардияси Қашқадарё вилояти бўйича бошқармасига ва фахрли 1-ўринни эса, Қашқадарё вилояти Ички ишлар бошқармаси жамоаси қўлга киритди. Ўтказилган мазкур мусобақа якунига кўра, ўз вазн тоифасида пешқадам бўлган спортчи ва жамоалар диплом ҳамда қимматбаҳо эсдалик совғалари билан тақдирландилар.
