QIZGʼIN BАHSLАRGА BOY BOʼLGАN UCНRАSНUV!
Oʼzbekiston Respublikasi Milliy gvardiyasi “Dinamo” jismoniy tarbiya-sport jamiyati Qashqadaryo viloyati kengashi, tomonidan joriy yilning 18 mart kuni Huquqni muhofaza qiluvchi organlar shaxsiy tarkib oʼrtasida sportning Qoʼl-jangi turi boʼyicha musobaqa tashkil etildi. Unda 6 ta jamoadan 80 nafardan ortiq sportchilar oʼzaro bellashdilar. Murosasiz va qizgʼin bahslarga boy boʼlgan mazkur musobaqada, umumjamoa hisobida, 3-oʼrin Oʼzbekiston Respublikasi Ichki ishlar vazirligi Qorovul qoʼshinlariga qarashli 7533-harbiy qism jamoasiga, 2-oʼrin Oʼzbekiston Respublikasi Milliy gvardiyasi Qashqadaryo viloyati boʼyicha boshqarmasiga va faxrli 1-oʼrinni esa, Qashqadaryo viloyati Ichki ishlar boshqarmasi jamoasi qoʼlga kiritdi. Oʼtkazilgan mazkur musobaqa yakuniga koʼra, oʼz vazn toifasida peshqadam boʼlgan sportchi va jamoalar diplom hamda qimmatbaho esdalik sovgʼalari bilan taqdirlandilar.
