Профилактика инспекторларининг билими оширилмоқда
Ўзбекистон Республикаси Ички ишлар вазирлигининг 2021 йил 14 январъ кунидаги “Ҳуқуқбузарликлар профилактикаси бўлинмаларининг раҳбарлари ва профилактика (катта) инспекторларининг билим савиясини ҳамда касбий маҳоратини ошириш бўйича ўқув курслари ташкил этиш тўғрисида”ги Фармойишига асосан, Шаҳрисабз тумани ИИБда фаолият олиб бораётган профилактика инспекторлари иштирокида ўқув-амалий семинар машғулоти ташкил этилди.
Машғулотда Қашқадарё вилояти суди судьяси Ф.Қамбарова ва ЖИБ Шаҳрисабз туман суди раиси Ф. Чориев, ИИБ бошлиғи подполковник А.Жўраев иштирок этган йиғилишда қонунчиликка киритилган ўзгартишлар ва янгиликлар, Ўзбекистон Республикаси Жиноят процессуал кодексининг моддаларини амалиётда қўллаш бўйича тавсиявий фикр-мулоҳазалар тингланди. Профилактика инспекторларининг билим ва малакаларини оширишга бағишланган семинарда иштирокчилар ўзларини қизиқтирган саволларига жавоблар берилди.
