Профилактика инспекторлари фаолияти таҳлил этилди
Вилоят мусиқали драма театри биносида ички ишлар органларининг жамоат хавфсизлиги хизмати ҳуқуқбузарликлар профилактикаси бошқармаси тизимидаги профилактика инспекторлари билан жорий йилнинг ўтган даврида амалга оширилган ишлар таҳлилига бағишланган йиғилиш бўлиб ўтди. Унда ИИВ ЖХХД ҲПББ, вилоят ИИБ таркибий бўлимлари ва соҳавий хизматлари, бошқарма ЖХХ ҲПБ, Қарши шаҳар ИИОФМБ, Қарши туман, Нишон ва Деҳқонобод туман ИИБлари бошлиқларининг ўринбосарлари, профилактика инспекторлари иштирок этди.
Тадбирда ИИВ ЖХХД ҲПББ бошлиғи ўринбосари полковник Азимжон Султонов вилоят ички ишлар органларининг профилактика инспекторлари томонидан йилнинг ўтган даврида белгиланган ҳудудда ҳуқуқбузарликлар ва бошқа турдаги қонунбузарликларни олдини олиш борасида амалга оширилган ишларни муҳокама қилди. Фаолият давомида эришилган ютуқлар билан бирга йўл қўйилган камчиликларни атрофлича таҳлил этди. Жойларда амалга оширилиши лозим бўлган профилактик ишларда эътибор қаратиш лозим бўлган жиҳатлар борасида иштирокчиларга йўриқнома берди.
Якунда профилактик ишларни амалга оширишда ижобий натижаларга эришган ички ишлар органлари ходимлари вилоят ИИБнинг ташаккурномалари ва пул мукофотлари билан тақдирланди.
