“Қонунчилик ва хизмат интизомини мустаҳкамлаш борасида ота-оналарнинг роли ва ўрни
ИИВ ҳузуридаги ЖИЕД Тўртинчи минтақавий ҳудуд 2-сон ЖИЕК шахсий таркиби ҳамда уларнинг оила аъзолари иштирокида “Қонунчилик ва хизмат интизомини мустаҳкамлаш борасида ота-оналарнинг роли ва ўрни” мавзусида йиғилиш бўлиб ўтди. Очиқ мулоқот руҳида кечган йиғилишда ходимларнинг хизмат интизоми ва қонунчиликка қатъий риоя этиши, зиммасига юкланган вазифаларни бекам-кўст бажариши учун барча шарт-шароитлар яратилгани, ходимларнинг оилавий ва шахсий муаммоларини ўрганиш ва ҳал этишда колония раҳбарияти билан биргаликда, ота-оналар ва уларнинг оила аъзоларининг ҳам кўмаги зарурлиги ҳақида фикр-мулоҳазалар ўртоқлашилди. Бундан ташқари, хизмат давомида ва хизматдан ташқари пайтларда раҳбарият ва ота-оналар мустаҳкам алоқа ўрнатиши, ходимларнинг хатти-ҳаракатларини назорат қилишда ҳамкорликни янада кучайтириш лозимлиги тўғрисида мулоҳазалар билдирилди. Якунда хизмат фаолиятида юксак ижобий натижаларга эришган, ҳамкасбларига намуна бўлиб келаётган ходимлар ва уларнинг оила аъзоларига колония бошлиғининг "Ташаккурнома"лари топширилди.
