“Qonunchilik va xizmat intizomini mustahkamlash borasida ota-onalarning roli va o‘rni”
IIV huzuridagi JIED To‘rtinchi mintaqaviy hudud 2-son JIEK shaxsiy tarkibi hamda ularning oila a’zolari ishtirokida “Qonunchilik va xizmat intizomini mustahkamlash borasida ota-onalarning roli va o‘rni” mavzusida yig‘ilish bo‘lib o‘tdi. Ochiq muloqot ruhida kechgan yig‘ilishda xodimlarning xizmat intizomi va qonunchilikka qat’iy rioya etishi, zimmasiga yuklangan vazifalarni bekam-ko‘st bajarishi uchun barcha shart-sharoitlar yaratilgani, xodimlarning oilaviy va shaxsiy muammolarini o‘rganish va hal etishda koloniya rahbariyati bilan birgalikda, ota-onalar va ularning oila a’zolarining ham ko‘magi zarurligi haqida fikr-mulohazalar o‘rtoqlashildi. Bundan tashqari, xizmat davomida va xizmatdan tashqari paytlarda rahbariyat va ota-onalar mustahkam aloqa o‘rnatishi, xodimlarning xatti-harakatlarini nazorat qilishda hamkorlikni yanada kuchaytirish lozimligi to‘g‘risida mulohazalar bildirildi. Yakunda xizmat faoliyatida yuksak ijobiy natijalarga erishgan, hamkasblariga namuna bo‘lib kelayotgan xodimlar va ularning oila a’zolariga koloniya boshlig‘ining "Tashakkurnoma"lari topshirildi.
