Обод маҳалла дастури амалда
Барча соҳаларда бўлгани каби Обод маҳалла дастури доирасида Косон туманида ҳам бир қатор ижобий ишлар амалга оширилмоқда. Жумладан, тумандаги 16 та “оғир” тоифадаги маҳаллалар - Халқобод, Ўрта оброн, Қорабайир, Обод, Ҳалима, Шербек, Бойтерак, Юксалиш, Ушоқтепа, Бунёдкор, Бешқўтон, Алачабоб, Мулали, Пистали, Қуйбоғ, Машъал МФЙларида жами 116 километр тупроқ йўл мавжудлиги аниқланди.
Мазкур йўлларга тош-шағал ётқизиш ва атрофини ободонлаштириш мақсадида Қашқадарё вилояти ИИБ бошлиғи 3-сектор раҳбари полковник Шуҳратжон Сатволдиев бошчилигидаги ишчи гуруҳ фаолият олиб бормоқда. Айни кезларда тумандаги юқорида номлари келтирилган тўртта маҳалла фуқаролар йиғинига қарашли кўчаларга тош-шағал ётқизилиб, текисланди. Тош-шағал ташишга 200 та юк машиналари, текислашга эса гредер жалб этилиб, кўчалар ободлашмоқда.
Бу борадаги ишлар давом эттирилмоқда.
