Obod mahalla dasturi amalda
Barcha sohalarda boʼlgani kabi Obod mahalla dasturi doirasida Koson tumanida ham bir qator ijobiy ishlar amalga oshirilmoqda. Jumladan, tumandagi 16 ta “ogʼir” toifadagi mahallalar - Xalqobod, Oʼrta obron, Qorabayir, Obod, Halima, Sherbek, Boyterak, Yuksalish, Ushoqtepa, Bunyodkor, Beshqoʼton, Аlachabob, Mulali, Pistali, Quybogʼ, Mashʼal MFYlarida jami 116 kilometr tuproq yoʼl mavjudligi aniqlandi.
Mazkur yoʼllarga tosh-shagʼal yotqizish va atrofini obodonlashtirish maqsadida Qashqadaryo viloyati IIB boshligʼi 3-sektor rahbari polkovnik Shuhratjon Satvoldiev boshchiligidagi ishchi guruh faoliyat olib bormoqda. Аyni kezlarda tumandagi yuqorida nomlari keltirilgan toʼrtta mahalla fuqarolar yigʼiniga qarashli koʼchalarga tosh-shagʼal yotqizilib, tekislandi. Tosh-shagʼal tashishga 200 ta yuk mashinalari, tekislashga esa greder jalb etilib, koʼchalar obodlashmoqda.
Bu boradagi ishlar davom ettirilmoqda.
