2 Феврал 2024 йил
500
“Нурли маскан” ўқувчилари театрда
Қашқадарё вилояти Қўғирчоқ театрида “Нурли
маскан” мактаб интернати ўқувчилари учун режиссёр Аббос Қурбонов томонидан
саҳналаштирилган “Қўрқоқ” номли спектакл намойиш этилди.
Қарши шаҳридаги 18-сонли “Нурли маскан”
ихтисослаштирилган мактаб интернатининг 154 нафар ўқувчилари спектаклда бўри билан тулкининг
товуқни ўғирлаб кетиши, уни уй эгасининг боласи қутқаришда қўрқоқлик қилиши,
бобоси ёрдамида қутқарганини мароқ билан томоша қилишди.
Спектакл болаларда кўз қўрқоғу қўл ботир
ғояси, адолат тантанаси, зўравонлик барибир жазога тортилишига ишонч ҳосил қилишди.
Якунда болалар спектакл учун яратилган
декорациялар билан танишиб, суратга тушишди. Томоша болаларда ўзгача ва катта
таассурот қолдирди.
