⚡️“Янги Ўзбекистоннинг ватанпарвар ёшлари”
Қашқадарё вилояти ИИБ ва ИИВ Академияси профессор ўқитувчилари ҳамкорлигида вилоятимизнинг шаҳар ва туманларида уюшмаган ёшлар иштирокида “Янги Ўзбекистоннинг ватанпарвар ёшлари” шиори остида ўқув йиғинлари ташкил этиб келинмоқда.
Навбатдаги ўқув йиғини Қашқадарё вилояти Қарши, Қамаши ва Ғузор туманларида ўтказилди. Унда хотин-қизлар жалб қилинди. Тарғибот тадбирида хотин қизлар учун “Ватан ва дахлдорлик тушунчаларининг мазмун-моҳияти ҳамда инсон тақдиридаги ўрни”, “Ўзбек халқи шонли тарихидаги буюк ватандошларимизнинг ибратли ҳаёти ва ёшлар тарбиясидаги аҳамияти”, шунингдек “Виртуал макондаги кибер таҳдидларнинг ёшлар онгига таъсири ва салбий оқибатлари”, “Спиртли ичимликлар, психотроп ва гиёҳванд моддаларнинг инсон организмига салбий таъсири мавзулари бўйича семинар-тренинглар ташкил этилди. Ўқув семинарида Қарши, Қамаши ва Ғузор туманлари сектор раҳбарлари ҳамда соҳага алоқадор масъуллар иштирок этишди. Улар томонидан хотин қизларнинг саволларига батафсил жавоблар қайтарилди.
Тарғибот тадбири якунида, ўқув тренингда фаол иштирок этган ёш хотин қизларга ташаккурномалар тантанали равишда топширилди.
