Қашқадарё вилояти ички ишлар бошқармасида “Энг яхши профилактика инспектори” кўрик-танловининг вилоят  бочқичи бўлиб ўтди. Ички ишлар органларида ходимларни ҳар томонлама профессионал, касби, жисмоний ва жанговар, маънавий-маърифий билимларини оширишга қаратилган танловда барча шаҳар-туман ички ишлар бўлимлари профилактика инспекторлари ўзаро беллашдилар. 

Кўрик-танловда дастлаб ходимлар тўсинда тортилиш, хотин-қизлар эса куч машқи ҳамда 100 ва 1000 метрга  югуриш синовлари топширди. 

Сўнгра ходимларнинг мерганлик маҳоратини синовдан ўтказиш мақсадида ўқ отиш машқи бўлиб ўтди. 

Мерганлик синовидан ходимларнинг руҳий ҳолати ва бошқа хислатлари ўрганиш мақсадида психологик тест синовлари топширишди. 

Жараён давомида тергвочилардан қонунчиликка киритилган ўзгартишлар бўйича тест синовлари олиниб, якуний оғзаки савол-жавобларда уларнинг назарий билимлари баҳоланди.

Якунда соҳавий хизматлар ИИВ соҳавий хизматлари раҳбарларидан тузилган ҳакамлар ҳайъати томонидан эълон қилинган натижаларга кўра, “Энг яхши профилактика инспектори” кўрик-танловида Миришкор тумани ички ишлар бўлими ЖХХ ҲПБ профилактика инспектори лейтенант Асқарали Чориев ғолибликни қўлга киритди. 

Шаҳрисабз шаҳар ИИБ ЖХХ ҲПБ профилактика инспектори катта лейтенант Улуғбек Махмасаидов ва Кўкдала тумани ички ишлар бўлими ЖХХ ҲПБ профилактика инспектори лейтенант Даврон Юлдошев навбатдаги совринли ўринларни 

банд этди. 

Ўзаро тажриба алмашиш ва касб маҳоратини оширишга йўғрилган мусобақа ғолиблари энди кўрик-танловнинг Республика босқичида иштирок этади.