Qashqadaryo viloyati ichki ishlar boshqarmasida “Eng yaxshi profilaktika inspektori” ko‘rik-tanlovining viloyat bochqichi bo‘lib o‘tdi. Ichki ishlar organlarida xodimlarni har tomonlama professional, kasbi, jismoniy va jangovar, ma’naviy-ma’rifiy bilimlarini oshirishga qaratilgan tanlovda barcha shahar-tuman ichki ishlar bo‘limlari profilaktika inspektorlari o‘zaro bellashdilar.
Ko‘rik-tanlovda dastlab xodimlar to‘sinda tortilish, xotin-qizlar esa kuch mashqi hamda 100 va 1000 metrga yugurish sinovlari topshirdi.
So‘ngra xodimlarning merganlik mahoratini sinovdan o‘tkazish maqsadida o‘q otish mashqi bo‘lib o‘tdi.
Merganlik sinovidan xodimlarning ruhiy holati va boshqa xislatlari o‘rganish maqsadida psixologik test sinovlari topshirishdi.
Jarayon davomida tergvochilardan qonunchilikka kiritilgan o‘zgartishlar bo‘yicha test sinovlari olinib, yakuniy og‘zaki savol-javoblarda ularning nazariy bilimlari baholandi.
Yakunda sohaviy xizmatlar IIV sohaviy xizmatlari rahbarlaridan tuzilgan hakamlar hay’ati tomonidan e’lon qilingan natijalarga ko‘ra, “Eng yaxshi profilaktika inspektori” ko‘rik-tanlovida Mirishkor tumani ichki ishlar bo‘limi JXX HPB profilaktika inspektori leytenant Asqarali Choriyev g‘oliblikni qo‘lga kiritdi.
Shahrisabz shahar IIB JXX HPB profilaktika inspektori katta leytenant Ulug‘bek Maxmasaidov va Ko‘kdala tumani ichki ishlar bo‘limi JXX HPB profilaktika inspektori leytenant Davron Yuldoshev navbatdagi sovrinli o‘rinlarni
band etdi.
O‘zaro tajriba almashish va kasb mahoratini oshirishga yo‘g‘rilgan musobaqa g‘oliblari endi ko‘rik-tanlovning Respublika bosqichida ishtirok etadi.