“Энг яхши эксперт-криминалист” танлови
Қашқадарё вилояти Ички ишлар органлари эксперт-криминалистика тизимида хизмат қилаётган ходимлар ўртасида “Энг яхши эксперт-криминалист” кўрик-танлови ўтказилди. Унда вилоят ИИБ ЭКМ ва шаҳар-туман ИИБ ЭКГлари ходимлари иштирок этишди.
Уч шарт - соҳага доир саволлар тўпламидан иборат тест саволларига жавоб бериш, жанговар қуролларни тўлиқсиз қисмларга ажратиш ва йиғиш, якка тартибда суҳбатда иштирок этган қатнашчилар бор билим ва маҳоратларини ишга солиб ўзаро ғолиблик учун беллашдилар.
Бошқарма соҳавий хизматларидан тузилган ҳайъати томонидан баҳолаб борилган кўрик-танлов натижаларига кўра, 1-ўринни Кўкдала тумани ИИБ ЭКГ катта эксперти Фузаил Мардонов банд этди. Навбатдаги совринли ўринларни Қарши шаҳар ИИО ФМБ ЭКБ эксперти, лейтенант Наврўз Йўлдошев ва Қашқадарё вилояти ИИБ ЭКМ бош эксперти капитан Абдураззоқ Худойбердиев қўлга киритди.
Энди танлов ғолиби мусобақанинг республика босқичида иштирок этади.
