“Eng yaxshi ekspert-kriminalist” tanlovi
Qashqadaryo viloyati Ichki ishlar organlari ekspert-kriminalistika tizimida xizmat qilayotgan xodimlar o‘rtasida “Eng yaxshi ekspert-kriminalist” ko‘rik-tanlovi o‘tkazildi. Unda viloyat IIB EKM va shahar-tuman IIB EKGlari xodimlari ishtirok etishdi.
Uch shart - sohaga doir savollar to‘plamidan iborat test savollariga javob berish, jangovar qurollarni to‘liqsiz qismlarga ajratish va yig‘ish, yakka tartibda suhbatda ishtirok etgan qatnashchilar bor bilim va mahoratlarini ishga solib o‘zaro g‘oliblik uchun bellashdilar.
Boshqarma sohaviy xizmatlaridan tuzilgan hay’ati tomonidan baholab borilgan ko‘rik-tanlov natijalariga ko‘ra, 1-o‘rinni Ko‘kdala tumani IIB EKG katta eksperti Fuzail Mardonov band etdi. Navbatdagi sovrinli o‘rinlarni Qarshi shahar IIO FMB EKB eksperti, leytenant Navro‘z Yo‘ldoshev va Qashqadaryo viloyati IIB EKM bosh eksperti kapitan Abdurazzoq Xudoyberdiyev qo‘lga kiritdi.
Endi tanlov g‘olibi musobaqaning respublika bosqichida ishtirok etadi.
