Моҳир сузувчилар тақдирланди
Вилоят сув спорти мактаби ҳавзасида “Беш ташаббус олимпиадаси” доирасида Қашқадарё вилояти ички ишлар органларида хизмат қилиб келаётган ёш ходимлар ўртасида спортнинг сузиш тури бўйича мусобақа ўтказилди.
Кескин ва муросасиз баҳсларга бой тарзда кечган ушбу мусобақада ҳар бир иштирокчи ғолиб бўлиш учун бор маҳорат ҳамда тажрибаларини ишга солишди.
Сузиш баҳсида Нишон туман ИИБ ЖХХ ҲПБ профилактика инспектори, лейтенант Умирзоқ Сагдиев ғолиблик шоҳсупасидан жой олди. Навбатдаги совринли ўринларни Миришкор тумани ИИБ ЖХХ ҲПБ профилактика инспектори, лейтенант Асқарали Чориев ва Яккабоғ тумани ИИБ ЖХХ ҲПБ профилактика инспектори Шаҳзод Холмуродовлар банд этишди.
Мусобақа ғолибларига бошқарма раҳбариятининг диплом ва қимматбаҳо совғалари тантанали топширилди.
