Mohir suzuvchilar taqdirlandi
Viloyat suv sporti maktabi havzasida “Besh tashabbus olimpiadasi” doirasida Qashqadaryo viloyati ichki ishlar organlarida xizmat qilib kelayotgan yosh xodimlar o‘rtasida sportning suzish turi bo‘yicha musobaqa o‘tkazildi.
Keskin va murosasiz bahslarga boy tarzda kechgan ushbu musobaqada har bir ishtirokchi g‘olib bo‘lish uchun bor mahorat hamda tajribalarini ishga solishdi.
Suzish bahsida Nishon tuman IIB JXX HPB profilaktika inspektori, leytenant Umirzoq Sagdiyev g‘oliblik shohsupasidan joy oldi. Navbatdagi sovrinli o‘rinlarni Mirishkor tumani IIB JXX HPB profilaktika inspektori, leytenant Asqarali Choriyev va Yakkabog‘ tumani IIB JXX HPB profilaktika inspektori Shahzod Xolmurodovlar band etishdi.
Musobaqa g‘oliblariga boshqarma rahbariyatining diplom va qimmatbaho sovg‘alari tantanali topshirildi.
