Ички ишлар органларида маънавий-маърифий ишлар самарадорлигини ошириш, бу борада ходимларнинг билим ва малакасини бойитиш мақсадида “Ватанга ва халққа садоқат билан хизмат қилиш – олий бурчимиз” концептуал ғояси асосида турли тадбирлар ташкил этиб келинмоқда. Жумладан, жорий йилнинг 4-5 апрель кунлари ИИВ Ашула ва рақс ансамбли Қашқадарё вилоятининг Муборак, Ғузор, Шаҳрисабз туманлари, Қарши шаҳрида бошқарма соҳавий хизматлар ходимлари, шаҳар-туман ИИБ шахсий таркиби ҳамда уларнинг оила аъзоларига концерт дастурини намойиш этишди.
Ички ишлар органларида маънавий-маърифий ишларни ташкил этиш Концепцияси ҳамда маънавият ва маърифат ойлиги доирасида ташкил этилган концерт дастурида ИИВ Ашула ва рақс ансаблининг бир гуруҳ хонандалари, сўз усталари воҳанинг Қарши шаҳри, Муборак, Ғузор ва Шаҳрисабз туманларида концерт дастурини намойиш этишди.
Концертга ички ишлар органлари ходимлари оиласи билан, соҳада хизмат қилиб нафақага чиққан фахрийлар, боқувчисини йўқотган оилалар ҳамда хизмат бурчини бажариш чоғида вафот этган ходимларнинг оила аъзолари таклиф этилди.
Ўзбекистонда хизмат кўрсатган артист Учқун Тиллаев раҳбарлигидаги гуруҳда эл ардоқлаган санъаткорлар, Ниҳол мукофоти совриндорлари Феруза Жуманиёзова, Фарҳод Қамбаров, эстрада хонандалри Шерали Бекмуродов, Улуғбек Холиқов, Машҳура Эргашева, Нурали Шукруллаев томонидан айтилган куй-қўшиқлар ва сўз устаси Ўткир Муҳаммадхужаев ҳамда қизиқчи Аваз Охун пайровлари мухлисларда катта тассурот қолдирди.
Концертдан тушган маблағлардан бир қисми ички ишлар органларининг турли соҳаларида хизмат қилиб, айни кунларда фахрийлик гаштини сураётган фахрийларга, боқувчисини йўқотган оилаларга, хизмат бурчини бажариш чоғида ҳалок бўлган ходимларнинг оила аъзоларига моддий ва маънавий ёрдам, яъни совға сифатида берилди.