“Лолистон” маҳалласида сайёр қабул
Инсон омили энг устувор вазифага айланган жамиятимизда фуқароларнинг муаммоларни бартараф этиш, уларни ҳаётдан рози бўлиб яшашлари учун барча имкониятлар ишга солинмоқда. Бунинг амалий ифодаси сифатида секторлари раҳбарлари томонидан жойларда уюштирилаётган қатор сайёр қабулларда фуқароларнинг муаммолари ечим топмоқда.
Қашқадарё вилояти Ички ишлар бошқармаси бошлиғи 3-сектор раҳбари полковник Шуҳратжон Сатволдиев Шаҳрисабз туманининг Лолистон маҳалла фуқаролар йиғинидаги Педагогика коллежида Сайёр қабул ўтказди. Унда 3-секторга қарашли маҳаллаларда истиқомат қилиб келаётган ёшларни бандлигини таъминлаш, бўш вақтини мазмунли ўтказиш масалалрига алоҳида эътибор қаратилди. 48 нафар ёшлар ва фуқаролар иштирок этган сайёр қабулда ёшларнинг 32 мурожаати тингланди. Мурожаатларнинг 15 таси жойида ижобий ҳал этилди.
Қолган 17 та мурожаатлар эса маблағ ва вақт талаб этгани боис ижроси назоратга олинди.
Бу борадаги ишлар давом эттирилмоқда.
