Лицей ўқувчиси “Конституция билимдони” ғолиби
Ўзбекистон “Адолат”
социал-демократик партияси вилоят Кенгаши томонидан ёшларнинг ҳуқуқий ва сиёсий
билимларини ошириш, уларни Ўзбекистон Республикаси Конституциясига ҳурмат
руҳида тарбиялаш, эркин фикрлаш қобилияти ва нутқ маданиятини ўстириш, фаол
фуқаролик позициясини янада мустаҳкамлаш, Ватанга муҳаббат, келажакка ишонч
руҳини шакллантириш ҳамда 8-декабрь - Ўзбекистон Конституцияси қабул қилинган
кун муносабати билан ИИВ Қашқадарё академик лицейида “Конституция билимдони”
кўрик-танловининг вилоят босқичи ўтказилди.
Танлов 3 та шарт бўйича
ўтказилиб, вилоятимизнинг барча туманларидан иштирокчилар танловда қатнашишди.
Ўқувчилар Конституция ҳақида эгаллаган билимларини синовдан ўтказишди.
Ушбу танловда ИИВ Қашқадарё
академик лицейнинг 2-босқич ўқувчиси Улуғбека Шаймардонова иштирок этиб, фахрли
1-ўринни эгаллади ва Республика босқичига йўлланмани қўлга киритди.
Ғолиблар “Адолат” СДП нинг диплом ва эсдалик совғалари
билан тақдирландилар.
