Litsey o‘quvchisi “Konstitutsiya bilimdoni” g‘olibi
O‘zbekiston “Adolat” sotsial-demokratik
partiyasi viloyat Kengashi tomonidan yoshlarning huquqiy va siyosiy bilimlarini
oshirish, ularni O‘zbekiston Respublikasi Konstitutsiyasiga hurmat ruhida
tarbiyalash, erkin fikrlash qobiliyati va nutq madaniyatini o‘stirish, faol
fuqarolik pozitsiyasini yanada mustahkamlash, Vatanga muhabbat, kelajakka
ishonch ruhini shakllantirish hamda 8-dekabr - O‘zbekiston Konstitutsiyasi
qabul qilingan kun munosabati bilan IIV Qashqadaryo akademik litseyida
“Konstitutsiya bilimdoni” ko‘rik-tanlovining viloyat bosqichi o‘tkazildi.
Tanlov 3 ta shart bo‘yicha o‘tkazilib,
viloyatimizning barcha tumanlaridan ishtirokchilar tanlovda qatnashishdi.
O‘quvchilar Konstitutsiya haqida egallagan bilimlarini sinovdan o‘tkazishdi.
Ushbu tanlovda IIV Qashqadaryo akademik
litseyning 2-bosqich o‘quvchisi Ulug‘beka Shaymardonova ishtirok etib, faxrli
1-o‘rinni egalladi va Respublika bosqichiga yo‘llanmani qo‘lga kiritdi.
G‘oliblar “Adolat” SDP ning diplom va esdalik
sovg‘alari bilan taqdirlandilar.
