Қарши шаҳар ИИОФМБда ИИВ Академиясининг 3-босқич курсантларининг амалиётга чиқиши муносабати билан мураббийлар бириктириш ва амалиётни ўташ жараёнлари йўриқномасига бағишланган йиғилиш бўлиб ўтди. Унда ИИВ академияси ўқитувчиси, Қашқадарё вилояти ИИБ ММИ ва КБТХ бошлиғи ўринбосари, шаҳар-туман ИИБ бошлиғининг ММИБ ўринбосарилари, курсантлар ва уларга бириктирилган мураббийлар ҳамда курсантларнинг ота-оналари билан учрашув бўлиб ўтди.

  Йиғилишни бошқарма ММИ ва КБТХ бошлиғи ўринбосари, подполковник Ихтиёр Худойқулов очиб, мамлакатмизда амалдаги йилнинг Юртбошимиз томонидан “Инсонга эътибор ва сифатли таълим йили” деб номланиши фуқароларни ҳақ-ҳуқуқлари ва эркинликларини таъминлаш, ижтимоий-иқтисодий ҳимоя қилиш билан бирга таълимга бўлган эътиборни ҳам оширди, - деди. - Негаки, ёшларнинг жисмонан соғлом, маънан етук бўлиб улғайишлари учун юртимизда барча шарт-шароитлар муҳайё қилинган.

Мамлакатимизда осойишталикни мустаҳкамлаш, қонунбузарликлар ва жиноятларни олдини олиш  борасидаги билим ва тажрибаларини бойитиб келаётган республика ИИВ Академияси талабалари ҳам яратилган имкониятлардан оқилона фойдаланиб келмоқда.

  - Айни кезларда республика ИИВ Академиясининг 3-босқич  тингловчилари олийгоҳда олган назарий билимларини мустаҳкамлаш, фаолиятда тўғри қўллаш, касб сирларини пухта ўрганиш учун амалий машғулотни тажрибали мураббийлар қўл остида ўташга киришди. - дейди ИИВ Академияси катта ўқитувчиси подполковник Расул Раҳмонов. -   Бундан кўзланган асосий мақсад бўлажак зобитларнинг касбий маҳорати, жисмоний ва жанговар шайлигини, хизматга тайёргарлигини оширишдир. Қолаверса, фавқулодда ва қалтис ҳолатлар юзага келганда ҳар бир ички ишлар идоралари ходими вазиятдан келиб чиқиб, жиноятчини зарарсизлантириш ва хавфсизлик чораларини инобатга олган ҳолда ҳаракат қилиши лозимлигига кўникма ҳосил қилиши жуда муҳим.  

   Қарши шаҳар ИИБда узоқ йиллардан буён хизмат қилаётган тажрибали ходимлар тингловчиларга тизим соҳаларининг сир-асрорларини ўргатиш учун мураббий этиб бириктирилди. 

   Йиғилишда Президентимизнинг 2023 йил январдаги ПҚ-10-сон қарори моҳияти ҳам иштирокчиларга тушунтирилиб, ўқиш даврида ўқиш ва амалиёт ўташ жараёнида бошқаларга ўрнак бўлаётган бир гуруҳ курсантларнинг ота-оналарига ИИВ  Академияси раҳбариятининг  “Ташаккурнома”лари билан тақдирланди.