“Коррупцияга қарши курашиш долзарб – вазифа”
Қашқадарё вилояти ИИБда ИИВнинг 2024-йил
15-апрель кунидаги “Коррупцияга қарши курашиш долзарб 10 кунлигини ўтказиш
тўғрисида”ги фармойишига асосан, “Коррупцияга қарши курашиш долзарб – вазифа”
мавзусида тадбир бўлиб ўтди.
Шахсий таркиб ва ёш ходимларнинг
маънавий-маърифий билими ва касбга бўлган садоқатини ошириш мақсадида ташкил
этилган тадбирни вилоят ИИБ бошлиғи ўринбосари, подполковник Завқиддин Хўжанов
очди. Бошқарма бошлиғи ўринбосари ўз сўзида
ички ишлар органлари ходимлари ўртасида хизмат интизоми, қонунчиликка
риоя этиш, коррупция ва тамагирликнинг ҳар қандай кўринишига чек қўйиш бугунги
кун талаби эканлигини билдирди. Ходимларга коррупцион турдаги таклиф бўлганда
меъёрий буйруқ талабларига мувофиқ дарҳол масъул раҳбарларга билдирги билан
мурожаат қилишлари лозимлигини яна бир бор эслатиб ўтди.
Қасамёдига содиқ қолиб, хизмат
вазифаларини виждонан ва ҳалол бажариб, коррупсион таклифларни рад этган
ходимларни рағбатлантириб келинаётганлигини маълум қилди.
Шундан сўнг, ички ишлар
органларида узоқ йиллик фаолияти давомида касбий маҳорати ва тажрибасини
ёшларга ўргатиб, сабот билан хизмат қилиб келаётган беш нафар соҳа фидойиси нафақага кузатилди.
Бошқарма раҳбарияти ушбу
ходимларга тўн ва дўппи кийгизиб, эҳтиром кўрсатди, эсдалик совғалари тақдим этилди.
Ўз навбатида нафақага чиққанлар
эҳтиром учун бошқарма раҳбарлари ва ҳамкасбларга миннатдорлик билдириб, бундан
кейин ҳам ёш ходимларга касб сир-асрорларини ўргатишга тайёр эканликларини
билдиришди.
