Ишчи гуруҳнинг чироқчи туманидаги сайёр қабули
Президентнинг Давлат маслаҳатчиси бошчилигидаги ишчи гуруҳнинг навбатдаги сайёр қабули бугун Чироқчи тумани “Боғишамол” боғида бўлиб ўтди. Унда ишчи гуруҳ вилоятнинг Кўкдала, Яккабоғ ва Чироқчи туманлари фуқароларининг мурожаатлари тингланди.
Сайёр қабулда фуқароларнинг ҳақ-ҳуқуқлари, эркинликлари ва қонуний манфаатларига оид 46 та мурожаатлар қабул қилинди. Мурожаатларнинг 7 таси ижобий, 1 нафар фуқароларга ҳуқуқий тушунчалар берилди. 38 та мурожаатлар ўрганиш учун вақт талаб этгани учун назоратга олинди.
Сайёр қабулга келган фуқаролар орасида Чироқчи туман ИИБ Пробация назоратида турган 4 нафар шахсларнинг мурожаати бўйича жазосини муддатидан олдин олиш бўйича судга тақдимнома киритилди.
Секторлар кесимида ва ҳуқуқий йўналишда кўрсатилган ёрдам учун сайёр қабулга келган фуқаролар муҳтарам Президентимизга, Ишчи гуруҳ раҳбариятига ва ички ишлар органлари ходимларига миннатдорчилик билдиришди.
Ишчи гуруҳ ўз фаолиятини давом эттирмоқда.
