Инспектор-психологлар фаолияти таҳлил этилди
Қарши шаҳар ИИО ФМБда вилоят ИИБ ЖХХ ҲПБ ВЕМБ инспектор-психологлари фаолияти таҳлилига бағишланган йиғилиш бўлиб ўтди. Унда бошқарманинг шаҳар-туман ИИБ ЖХХ ҲПБ ВЕМБ инспектор-психологлари иштирок этишди. Тадбирни бошқарма ЖХХ ҲПБ бошлиғи подполковник Р.Темиров очиб, жорий йилнинг ўтган даврида инспектор-психологлар томонидан вояга етмаганлар ўртасида ҳуқуқбузарликлар ва жиноятларни олдини олиш борасида амалга оширган ишларни атрофлича таҳлил этлиб, хизмат фаолияти давомида камчиликларга йўл қўйган инспектор-психологлар огоҳлантиришлар берилди.
Тадбирда сўзга чиққанлар келажагимиз ворислари бўлган ёшларини ҳуқуқбузарлик ва жиноятлардан сақлаш, уларнинг ҳаётда ўз ўрнини топишга кўмаклашиш, жамиятда соғлом турмуш тарзини юзага келтириш, ҳар бир ота-она, маҳалла-куй олдида турган муҳим масала эканлигини таъкидлашди. Бунинг учун мактабларда, маҳалла гузарларида ташкил этилган спорт ва ишлаб чиқариш тўгараклар фаолиятидан унумли файдаланиш кераклиги иштирокчиларга уқтирилди.
Якунда инспектор-психологларга фаолиятларида фойдаланишлари учун хизмат сумкалари тарқатилди.
