Аввал хабар берганимиздек, Ўзбекистон Республикаси ИИВнинг 2024 йил 20 февраль кунидаги фармойишига асосан, Вазирлик Маданият саройи қўшиқ ва рақс ансамблининг хушовоз хонандалари ва сўз усталари иштирокида жорий йилнинг 5-6-апрель кунлари Қашқадарё вилоятининг Қарши шаҳар анфитеатрда, Муборак, Ғузор туманлари марказий ўйингоҳи ҳамда Шаҳрисабз шаҳар Маданият марказида концертлар ташкил этилди.

Концертга ички ишлар органлари ходимлари ва уларнинг оила аъзолари,  фахрийлар, боқувчисини йўқотганлар ҳамда хизмат бурчини бажариш чоғида вафот этган ходимларнинг оила аъзолари таклиф этилди.

Ўтказилган концерт дастурида Ўзбекистонда хизмат кўрсатган элимизнинг ҳушовоз санъаткорлари ҳамда сўз усталари томонидан ижро этилган куй қўшиқлари, дил тортар наволари-ю, ҳангомалари концерт дастурига ташриф буюрган томошабинларнинг олқишига сазовор бўлди.

Шунингдек, Ички ишлар вазирининг 2024 йил 9 мартдаги тегишли фармойиши асосида ёшларни маданият, санъат ва бошқа ижодий соҳалардаги иқтидорларни намоён этишлари учун муносиб шароитлар яратиш, ёш авлод қалбида ватанга мухаббат ва садоқат туйғуларини камол топтиришга қаратилган “Дилларда ватан мадҳи” шиори остида ўтказилган қўшиқ ва шеърият танловининг вилоят босқичида фахрли ўринларни эгаллаган ёшлар Ўзбекистон Республикаси ИИВ Маданият саройи бошлиғи подполковник У.Тиллаев ҳамда вилоят ИИБ раҳбарияти томонидан диплом ва пул мукофотлари тантанали равишда топширилди.

Концерт дастури якунида, Ўзбекистон Республикаси ИИВ Маданият саройи бошлиғи подполковник У.Тиллаев бошчилигидаги санъаткорлар ҳамда Қашқадарё вилояти ички ишлар бошқармаси раҳбарияти, хизмат вақтида ҳалок бўлган ходимларнинг оила аъзолари ва фарзандлари билан дилдан суҳбат қуришиб, уларга қимматбаҳо совға саломлар элимиз суйган санъаткорлар томонидан улашилди.

Хайрия тадбирида уюшмаган ёшлар ўртасида ўтказилган “Дилларда Ватан мадҳи” танлови ғолиблари ҳам тақдирланди.

Концерт йиғилганларда ўзгача таассурот қолдирди.