ИИВ ишчи гуруҳи ва вилоят ИИБ Кадрлар бошқармаси ташаббуси билан ички ишлар органларининг соҳавий хизматлари ва шаҳар-туманларида хизмат олиб бораётган ходимлари ўртасида спортнинг “Миллий кураш” тури бўйича “ИИБ биринчилиги” финал босқичи бўлиб ўтди
Ўзбекистон Республикаси Президентининг 2020 йил 30 октябр кунидаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ва ИИВнинг шунга таалуқли дастури ва Қашқадарё вилояти ИИБнинг тақвимий режасига биноан ички ишлар органлари ходимлари ўртасида спортнинг миллий кураш тури бўйича мусобақаси бўлиб ўтди. Унда элликдан ортиқ полвонлар ўзаро куч синашдилар. Мусобақани вилоят ИИБ бошлиғи ўринбосари полковник Х.Бозоров очди ва мусобақа иштирокчиларига омад тилади.
Олти вазн тоифасида ўзаро беллашган полвонлар бор маҳорат ва тажрибаларини ишга солиб ғолиблик учун курашишди. Мусобақада ҳар бир вазн бўйича гиламга чиққан полвонлар орасида янги спортчилар кашф этилди. Айниқса, бунда вилоят ИИБ ТВБСО, Қамаши, Миришкор, Деҳқонобод туманидан янги полвонлар даврага тушдилар.
Мусобақанинг вазнлар тоифасида бошқарма ТВБСО ходимлари кичик сержант Ш.Махматмуродав (66 кг), кичик сержант Ф.Тилаков (73 кг.да), сафдор Р.Саидов (81 кг.да), кичик сержант Б.Холиёров (90 кг.да), ва катта сержант Б.Тўраев (100 кг.да) ғолиб бўлишди.
Турнирнинг мутлақ вазн тоифасида (+100 кг.да) Қамаши тумани ИИБ ҲПБ профилактика инспектори катта лейтенант Ш.Хуррамовга тенг келадиган полвон топилмади. Кейинги ўринларни эса Миришкор тумани ИИБ ҲПБ профилактика инспектори лейтенант А.Ҳайдаров, Деҳқонобод тумани ИИБ ҲПБ профилактика инспектори лейтенант Ш.Қаххоров қўлга киритди.
Ғолиб полвонлар вилоят ички ишлар бошқармасининг дипломи ва қимматбаҳо савғалари билан тақдирланди.
