ИИВ Қашқадарё академик лицейида Ички ишлар вазирлиги Академияси, ИИВ Шахсий хавфсизлик бош бошқармаси Қашқадарё вилоят бошқармаси, вилоят ИИБ ММИ ва КБТХ масъул ходимлари ва ўқувчилар иштирокида йиғилиш бўлиб ўтди
Тадбирда Ички ишлар вазирлиги Академияси,
кадрлар бўлими бошлиғи подполковник Фахриддин Андамуротов сўзга чиқиб, жорий
йилда академик лицейни тамомлаётган ўқувчиларга Академияга ҳужжатларини
расмийлаштириш, ажратилган қабул квоталари, йўналишлари, имтиёзлари ва
Академияда ўқувчилар учун яратилган шарт-шароитлар ҳақида маълумот берди.
ИИВ Шахсий хавфсизлик бош бошқармаси Қашқадарё
вилоят бошқармаси маъсул ходими, майор Улуғбек Эргашев, вилоят ИИБ ММИ ва КБТХ
бошлиғи ўринбосари, подполковник Ихтиёр Худойқулов ҳам сўзга чиқиб, вазирлик
Академиясига ҳужжат топширишда ўз билимига ишониши, таниш-билишчиликка ишониб, турли фирибгар шахсларнинг алдовларига тўрига
тушиб қолмаслик борасида лицей ўқувчиларига тегишли тушунтиришлар беришди.
Якунда лицей ўқувчиларини
қизиқтирган саволларига маъсул ходимлар томонидан жавоблар берилди.
