Ички ишлар органлари ташкил этилганлигининг 33 йиллиги ҳамда 25 октябрь — Ички ишлар органлари ходимлари куни байрами муносабати билан Қашқадарё вилояти ички ишлар бошқармсида тантанали тақдирлаш тадбири бўлиб ўтди.
Вилоят ички ишлар органлари соҳавий хизматлари, шаҳар-туман ички ишлар бўлимлари ходимлари, тизим фахрийлари, хизмат вазифасини бажариш чоғида вафот этган ходимларнинг оила аъзолари иштирок этган тадбирни вилоят ички ишлар бошқармаси бошлиғи полковник Абдувохид Исмоилов очиб, Ички ишлар вазирининг ички ишлар органлари ходимларига йўллаган байрам табригини ўқиб эшиттирди.
Бошқарма бошлиғи тадбирда тизим ходимлари, фахрийлари ва хизмат вазифасини бажариш чоғида вафот этган ходимларнинг оила аъзоларига ўзининг самимий байрам тилакларини билдирди.
Воҳада ҳуқуқбузарликларни олдини олиш, жиноятчиликка қарши курашиш, қонун устуворлигини таъминлаш борасида ички ишлар органлари ходимлари томонидан олиб бораётган фаолияти давлатимиз ва вазирлик раҳбарияти томонидан муносиб тақдирланаётганини таъкидлади.
Президентимизнинг фармонига асосан бир нафар ходимга берилган давлат мукофоти, ички ишлар вазирининг тегишли буйруғига биноан вилоят ички ишлар бошқармаси тизимлариида фаолият кўрсатаётган бир гуруҳ ходимлар “Аъло хизматлари учун”, I, II, III даражали “Ички ишлар органларида бенуқсон хизматлари учун” кўкрак нишони, махсус унвонлар, фахрий ёрлиқ ва эсдалик қўл соатлари, фахрийларга “Ички ишлар органларининг фахрий ходими” кўкрак нишони, қўл соати ва бошқа қимматбаҳо совғалар тантанали равишда топширилди.
Шу билан бирга хизмат вазифасини бажариш чоғида вафот этган мард ўғлонларнинг оила аъзолари ҳам байрам тадбирида қимматбаҳо совғалар билан тақдирланди.
Қарши шаҳридаги муҳташам Бахтли оила тантаналар мажмуасида ички ишлар органлари ходимлари, фахрийлар ва бошқа таклиф этилган меҳмонлар бир пиёла чой устида дилдан суҳбатлашдилар.
Байрам қувончли ва ҳаяжонли лаҳзаларга бой бўлди.
