4 Декабр 2023 йил
1223
Хотин-қизлар жиноятчилигини олдини олиш бўйича учрашув бўлиб ўтди
Қашқадарё
вилояти Гузор тумани “Апарди” маҳалласида Оила ва хотин-қизлар бўлими
ходимлари, ИИБ вакиллари, Оқила аёллар, отинойилар тиббиёт ходимлари,
кўчабошилар ва маҳалла ходимлари иштирокида учрашув ўтказилди. Унда
“Хотин-қизлар ўртасида жиноятчиликни олдини олиш, эрта турмуш қуришнинг салбий
оқибатлари” мавзусида ҳамда “Биз зўравонликка қаршимиз-16 кун” тадбири
доирасида хотин-қизлар ўртасида тазйиқ
ва зўравонликка учраган, низоли оилаларнинг муаммоларини ўрганиш ва амалий ёрдам бериш борасида сўз юритилди.
Учрашув
давомида хотин-қизларга ҳуқуқий маслаҳатлар, жиноятчилик ва шу каби салбий
ҳолатларни олдини олиш мақсадида керакли тавсиялар берилди ва буклетлар
тарқатилди.
