ҲАРБИЙ ХИЗМАТЧИЛАР ҒОЛИБ
Қарши шаҳридаги “Геолог” спорт мажмуасида Янги йил байрами муносабати билан Ўзбекистон Республикаси Миллий гвардияси Қашқадарё вилояти “Динамо” жисмоний тарбия ва спорт жамияти соврини учун воҳа ҳуқуқни муҳофаза қилувчи органлари ўртасида спортнинг шахмат ва шашка тури бўйича мусобақаси бўлиб ўтди. Мусобақада ички ишлар органлари ва ҳарбий хизматчилари ҳам фаол иштирок этишди.
Қизғин ва муросасиз баҳсларда ИИВ ХАХТ қўшинларига қарашли Қарши шаҳридаги 7256-ҳарбий қисм ҳарбий хизматчилари кичик сержант Ж. Муродов шахмат йўналишида 1-ўринни, шашка йўналишида кичик сержант З.Шаинов 2-ўринни, аёллар ўртасида эса кичик сержант Н.Каттамова шашка бўйича 2-ўринни эгаллади.
Мусобақада умумжамоа ҳисобида ИИВ ХАХТ 7256-ҳарбий қисм жамоаси 1-ўринни қўлга киритди. Ғолиблар “Динамо” жисмоний тарбия ва спорт жамиятининг дипломи ва қимматбахо совғалари билан тақдирланди.
